Rreth klinikës

Dentisti juaj në Ulqin.

Shkurt për klinikën

Themeluar: 2015
Themeluesi: Dr. Agron Shabani, specialist i kirurgjisë orale dhe implantologjisë
Adresa: Bulevar Teuta, Ulcinj 85360, Mali i Zi
Orari i punës: E hënë – E premte 09:00 – 19:00, E shtunë 10:00 – 15:00, E diel mbyllur
Telefoni: +382 69 999 005
Hapësira: Tri salla: një e përgjithshme, një kirurgjike dhe një për mjekësinë estetike
Shërbimet: Stomatologjia e fëmijëve dhe preventive
Stomatologjia restaurative dhe endodoncia
Protetika dentare
Stomatologjia estetike
Ortodoncia
Kirurgjia orale
Implantologjia
Mjekësia estetike

Qasja jonë

Në Confident, çdo pacient trajtohet me kujdes individual, komunikim të hapur dhe profesionalizëm, duke garantuar rehati, besim dhe një përvojë pozitive në çdo vizitë.

Profesionalizmi

Cilësi dhe përkushtim në çdo trajtim.

Besimi

Marrëdhënie të sinqerta dhe kujdes individual.

Vetëbesimi

Buzëqeshje të shëndetshme që rrisin sigurinë në vete.

Dhoma e mjekësisë estetike me karrige të gjelbër dhe pajisje profesionale për trajtimin e fytyrës

Hapësira dhe pajisjet

E rregullt, e ndritshme dhe e qetë.

Klinika posedon tri salla: një të përgjithshme, një sallë kirurgjike dhe një për mjekësinë estetike. Disponon aparaturat më të sofistikuara, nga ato për procedurat rutinore deri te aparaturat e avancuara piezokirurgjike, si dhe pajisje të modernizuara për sterilizimin e instrumenteve dhe grafinë dentare.

Motori implantologjik dhe pajisja e piezokirurgjisë në karroca pranë karriges dentare në sallën kirurgjikale

Ekipi

Njihuni me ne

Ekipi që ju shoqëron nga telefonata e parë deri te kontrolli i fundit.

Dr. Agron Shabani

Specialist i kirurgjisë orale dhe implantologjisë

Dr. Agron Shabani përfundoi studimet në Fakultetin e Mjekësisë, dega e Stomatologjisë, në Prishtinë, në vitin 2014. Pas diplomimit ka marrë pjesë në trajnime dhe konferenca të ndryshme ndërkombëtare për të avancuar njohuritë dhe aftësitë profesionale, duke veçuar trajnimet me doktorin gjerman Dr. Wolfgang Grüner, si dhe me italianët Prof. Diego Salvi, Dr. Enric Marchetti dhe Prof. Angelo Cardarelli. Ka përfunduar specializimin në Kirurgji Orale në Universitetin Aldent në Tiranë, ku mori titullin Specialist i Kirurgjisë Orale dhe Implantologjisë, duke thelluar ekspertizën e tij në trajtimet bashkëkohore dentare. Është anëtar i Dhomës së Stomatologëve të Malit të Zi dhe i Shoqatës së Parodontologëve dhe Implantologëve të Malit të Zi.

Mr. Ph. Ifeta Suka Shabani

Magjistre e farmacisë · Trajtime dermoestetike

Ifeta Suka Shabani është diplomuar për Farmaci në Universitetin e Mjekësisë në Prishtinë, ku mori titullin Magjistre e Farmacisë. Ka përvojë të gjatë profesionale si farmaciste komunitare që nga viti 2012. Është specializuar në trajtimet dermoestetike në Qendrën Dermoestetike Italiane dhe për aparaturat kozmetike në Podgoricë, duke ndërthurur njohuritë farmaceutike me qasjen moderne ndaj kujdesit për bukurinë dhe lëkurën.

Jehona Hoti

Infermiere

Jehona Hoti ka përfunduar studimet në degën e Infermierisë në Fakultetin e Infermierisë të Universitetit të Prishtinës. Me përvojë të gjatë profesionale në fushën e infermierisë, ajo dallohet për përkushtimin ndaj kujdesit për pacientët, profesionalizmin dhe vëmendjen ndaj nevojave individuale të secilit pacient.

Teknikët e protetikës

Xhon Miri Teknik i protetikës fikse Me fokus në punimet nga metalporcelani, zirkoni, All-on-4 dhe All-on-6.
Gilman Bizaku Teknik i protetikës mobile Punime të protezave tradicionale dhe elastike.
Arlind Hodza Teknik i protetikës fikse Me fokus në punimet nga zirkoni dhe E-max.

Përvoja e pacientit

5 hapa drejt buzëqeshjes suaj

Të dish se çfarë të pret është gjysma e qetësimit. Kështu duket ardhja e parë në klinikë.

01
Mirëpritja

Në një ambient të këndshëm, ku ndiheni të mirëpritur dhe të qetë që nga momenti i parë.
02
Biseda fillestare

Dëgjojmë nevojat, shqetësimet dhe pritshmëritë tuaja për të kuptuar më mirë atë që kërkoni.
03
Kontrolli dentar

Realizojmë një ekzaminim të kujdesshëm për të vlerësuar shëndetin e dhëmbëve dhe të mishrave të dhëmbëve.
04
Plani i trajtimit

Ju shpjegojmë gjetjet dhe ju propozojmë një plan të personalizuar, duke diskutuar mundësitë e trajtimit.
05
Hapat drejt buzëqeshjes

Së bashku vendosim për hapat e ardhshëm, me qëllim që të ndiheni të sigurt në çdo fazë të trajtimit.

Caktimi i terminit

Buzëqeshja juaj e radhës fillon me një bisedë.

Caktoni terminin +382 69 999 005 Na shkruani në Instagram